គម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស

ទិដ្ឋភាពទូទៅគម្រោង

គម្រោងការអប់រំមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC) គាំទ្រដល់អាទិភាពដំណាក់កាលទី២ នៃផែនការអប់រំមធ្យមសិក្សារបស់កម្ពុជា (CAMSEB) ២០៣០ ។ ផលជះរបស់គម្រោង គឺស្របតាមយុទ្ធសាស្ត្របញ្ចកោណ និង CAMSEB របស់រាជរដ្ឋាភិបាល ដែលបង្ហាញពីសារៈសំខាន់នៃធនធានមនុស្ស ដែលមានគុណភាពខ្ពស់ក្នុងការអភិវឌ្ឍសង្គមផ្អែកលើចំណេះដឹង។ លទ្ធផលនៃគម្រោងនេះ នឹងធ្វើឱ្យប្រសើរឡើងប្រសិទ្ធភាពនៃប្រព័ន្ធអប់រំមធ្យមសិក្សាទុតិយភូមិ ដោយរួមបញ្ចូលយេនឌ័រ។

គម្រោងនេះ គ្រោងចំណាយថវិកាចំនួន ៨៣,៩២ លានដុល្លារអាមេរិក ដែលទទួលបានកម្ចីហិរញ្ញប្បទានសម្បទានចំនួន ៨០ លានដុល្លារ ពីធនាគារអភិវឌ្ឍន៍អាស៊ី (ADB) និងហិរញ្ញប្បទានពីភាគីរដ្ឋាភិបាលចំនួន ៣,៩២ លានដុល្លារ។